يهک ميلیۆن ئمزا ئهڕا گوڕانن داتهكهيل دوچهوهكی كهر
يهک ميلیۆن ئمزا ئهڕا گوڕانن داتهكهيل دوچهوهكی كهر
كۆمهی داتهكهيل له ئێران، ژنهيل وه جنس دوێم زانيد و نابراێبهری وه پيان روا دێريد، ئهويش له كۆمهڵگاێ ك زورم له 60% له زانستگا رهويلێ ژنهيلن. له فرهێ له كۆمهڵگايل باوهڕ وه يهسه ك داتهك مهشيا يهێ پله له فهرههنگ ئهوبانتر بۆد تا بتۆهند فهرههنگ كۆمهڵگا ئهوزينه بيهێد بهڵام داتهكهيل له ئێران له فهرههنگ و پهێگاێ ژنهيل ها دۊياتر.له لاێهن داتهك يهێ دۊيهت له سن 9 ساڵان وهرپرسی كامل كهيفهری دێرێد و ئهگر تۊش تاوانێ باێد ك ئهقرهوی داردانه دادگا تۊهنيد ئهوه وه داردان مهحكۆم بكهێد. ئهگهر ژن و پياێ له خياوان تهسادف بكهن، و ههر دوانيان فهلهج بۆن، خساری ك له لاێهن داتهكهو دهنه ژن نيم خسار پياس. ئهگهر سهوارهتێ له وهر چهو ژن و پياێ تبهتێد له لاێهن داتهكهو شاتی ژن وه تهنيا قهبۆل نيۆد بهڵام شاتی پيا قهبۆله. له لاێهن داتهكهو باوگ تۊهنيد وه سڵاوسۊ دادگا، دۊيهتهێ تهنانهت وهرجه 13 ساڵانيش ئهڕا پياێ 70 ساڵهێ ماره بۆڕيد. له لاێهن داتهكهو، داڵگ هۊچ كاتيگ نيهتۊهنيد سهرپهرهس مال و دارای مناڵهگهێ بۆد و له بارهێ جی ژيان، ئجازه چۆن وه دهرهوێ وڵات و تهنانهت سازوكارهيل دهرمانی مناڵهگهێ ئلاوبيم بگرێد. له لاێهن داتهكهو پيايل تۊهنن چهن ژن داشتون و ههر كات بتوان ژنهيان تلاق بيهن.يانه تهنيا بهش بۊچگی له دوچهوكیيل داتهكی نسبهت وه ژنهيله و بێ گومان ژنهيلی كه هانه چينهيل خوار كۆمهڵگا يا جز ئهقهڵيهتهيل قهومی و ئائينين له دوچهوهكیيل داتهكی فرهتر له ژنانی تر رهنج بهن. له ڵای تريشهو، وجود داتهكهيل نابراێبهر، ئهونه ههرهچ ناوهێن ژن و پيا نهخوهش و لهرزانهو كرديه ك ژيان پيايليش تۊش گيچهلهيل فرهێ هاتيه، ئهڕا وێنه تۊهنيم وه باوبين مێرێهی بان ئاماژه بكهيم ك وه مدۆم سهخون نائاسايی له دوچهوهكييل داتهكی له ڵای ژنهيلهو داخوازی كريهێد.له ڵای تريشهو، دهوڵهت ئێران وه بهێن و بهسيل ناونهتهوهيی مافێ مرۆڤ پهێوهس خوارديهو ئهومل گرديه ك ئاين رهوهنهيلیيان بوهێد ريهو. گرانترين پاوهن له مافێ مرۆڤ نهبونی دوچهوهكی وه بۆنهی جنس، قهوم، ئائين و… سه. بهنا وهێ مدۆمهيل بنهواييه ئيمه ئمزاكهرهيل ئی بهيانيه خوازيار لاچين دوچهوهكی له ژنهيل له گشتی داتهكهيل ههيمن و داخوازيمان له داتهكنهرهيل يهسه ك نسبهت وه دوجارهنوڕی و پاسای داتهكهيل بهنا وه بهێن و بهسيل ناونهتهوهيی دهوڵهت دهسهوكار بۆن. پینوشت…
متن فارسی بيانيه كمپين يك ميليون امضاءforequality.info/IMG/pdf/bayaniyeye-fardi.pdf
توسط ایمیل
ناردنی ههواڵ به ئیمێل
چاپكردنی ههواڵ
تهنها به تێکست