پرسهنامهی یاریکورد له مراسم خاکسپاری مرحوم کاک علیمراد میرزائی له سوئد
پرسهنامهی یاریکورد له مراسم خاکسپاری مرحوم کاک علیمراد میرزائی له سوئد
ئیمڕو لهیره جمع بیمنه تا وهگهرد یارێک یارسانی و ئنسانێک دلسوز وه جامعه یارسان و ملت کورد ماڵئاوایی بکهیم و ئهڕا ههمیشه وه دهس حهقیقهت و ماڵ ئهبهدی خوی بسپاریمهی.
کاک علیمراد میرزائی له داوین خانهوادهیک مردمپهروهر له ئاوایی بزمیراوا له دایک بی و ههر له مناڵێوه باوجود بێ ئێمکاناتی، علاقهی خاسێک وه دهرس خوندن و خزمهت وه مردم کردن داشت و تا وهخت ئاواره بیینێ وه کار معلمی مشغول بی و دوست داشت چواردهورهکهێ له نێعمهت سهواد بهرخوردار بون.
موتسفانه وه هاتنه سه رکار جمهوري ئسلامی ئێران و جه نگ ۸ ساڵه ی عراق- ئێران، خانهوادهێ کاک علیمراد ئاوارهی عراق بی و ئیه بییه سهرهتای ئاوارهیی و دهروهدهری کاک علیمراد.
کاک علیمراد ئنسانێک قسه خوش، ڕوی خوش و مهردمی بی، سهرهڕای دهروهدهری و دوری له وڵات، ههمیشه تهڵاش کرد مجلس دوستان و ڕهفیقانێ وه تهنز و قسهێ خوش و شیرین گهرم بکهیت. ئهگهر چه کاک علیمراد له ئاوارهگیش گیرودهی موشکلات فراوان بی، ئهما هیچوهخت له زندهگی نائومێد نهوی و وه کهسان دهوروهری ئومێد و دلگهرمی دا. ههرکهس ئهڕا لهحزهیکیش وهگهرد کاک علیمراددا بییهس، خاس زانێت که ئی پیاگه واقعهن خهسارێک گهورهس، نهک تهنیا ئهڕا خانهوادهکهی، بهڵکو ئهڕا سهرجهم دوستان و یارانێ و جامعهی یارسان.
خانهوادهی کاک علیمراد، کهسێک که تهمام ژیانیان وهگردیانا بییه، کهسێک که ههمیشه له سهختترین شهرایت زندهگی خوشحاڵیان کردگه، کهسێک که ههم یار و سهرپهرست و گهورهیان بییهس له دهس دانه و جامعهی یارسان و ملت كردیش ئنسانێک شوجاع، شاد و دڵسوز و قسه خوش له دهس داگه.
یاریکورد وه مهناسبهت مهرگ ناوهخت کاک علیمراد میرزائی، وه خانهوادهی داغدارێ، وه تهمام مردم ئیڵ گهورهی پشتماڵه و مردم یارسان سهرهخوشی کهیت و له دهس دان کاک علیمراد وه ضایع و غهم گهورهیک زانێت.
له سلطان حهقیقهت و دهرگای پردیوهر داواکاریم که سهبوری بییته بازمانهگان و خانهوادهی داغدار کاک علیمراد.
ڕوحی شاد و دهسێ له داوان سلطان و پیر حهقیقهت نهوڕیت.
یاریکورد
* ئی پهیامه له لایهن کاک مهنوچهر عهزیزی وه نمایندهگی له لایهن یاریکورد له مراسم خاکسپاری شادڕهوان کاک علیمراد میرزائی له ڕێکهفت 24 جولای له سوئد خویندراوهتهوه.
ناردنی ههواڵ به ئیمێل
چاپكردنی ههواڵ
تهنها به تێکست