باب غای، یاریزانی هەڵبژاردەی سەنیگال، لە ڕێگەی هەژماری فەرمی خۆی لە ئینستاگرام، بڕیاری خۆی بۆ ڕاگرتنی یاریکردن لەگەڵ هەڵبژاردەی نیشتمانی ڕاگەیاند، مادام ستافی ڕاهێنەرانی ئێستا لە پۆستەکانیاندا بمێننەوە. ئەم بڕیارەش دوای چوونەدەرەوەی هەڵبژاردەی سەنیگال لە پاڵەوانێتی مۆندیالی ٢٠٢٦ هات.
باب غای لە پەیامەکەیدا وتی: "دواتر لەسەر چوونەدەرەوەمان لە پاڵەوانێتییەکە چەند قسەیەک دەکەم، بەڵام ئەمڕۆ ڕایدەگەیەنم کە مادام ئەم ستافەی ڕاهێنەران لێرە بن، من یاریکردن بۆ هەڵبژاردەی نیشتمانی ڕادەگرم."
ئەم لێدوانانەی یاریزانەکە چەند کاتژمێرێک دوای چوونەدەرەوەی دراماتیکی هەڵبژاردەی سەنیگال لەسەر دەستی هەڵبژاردەی بەلجیکا لە قۆناغی ٣٢دا هات. لەو یارییەدا بەلجیکا توانی بگەڕێتەوە بۆ کەشی یارییەکە و دوای کاتی زیادکراو بە ئەنجامی ٣ بە ٢ سەرکەوتن بەدەستبهێنێت، ئەمەش وادیارە بێهیواییەکی گەورەی لە ناو کەمپی هەڵبژاردەی سەنیگالدا دروستکردووە.
ئەم هەڵوێستەی باب غای نیشانەی ناڕەزاییەکی توندە بەرامبەر بە ستافی ڕاهێنەرانی ئێستا، ئەم هەنگاوەش لەوانەیە دەرگا بۆ پرسیاری زیاتر لەسەر داهاتووی هەڵبژاردەی سەنیگال و ئەو بڕیارانە بکاتەوە کە بڕیارە دوای ئەم چوونەدەرەوە پێشوەختەیە لە پاڵەوانێتییەکە بدرێن.