پاری سان جێرمان بە داواکارییەکی گەورە لیڤەرپوول سەرسام دەکات بۆ فڕۆشتنی ئیبراهیم مبای
یانەی پاری سان جێرمانی فەرەنسی نرخێکی بەرزی دیاری کردووە بۆ ڕەزامەندیدان لەسەر ڕۆشتنی یاریزانی باڵی سێنیگالی ئیبراهیم مبای لە ماوەی بازاڕی گواستنەوەی هاوینەی ئێستادا، لە سایەی گرنگیدانی لیڤەرپوول بە ئیمزاکردنی گرێبەست لەگەڵ ئەم یاریزانە تەمەن ١٨ ساڵە.
مبای ئارەزووی بەجێهێشتنی پاری سان جێرمان دەکات بەهۆی ڕکابەریی بەهێز لەسەر پێگە سەرەکییەکانی هێڵی هێرشبەری، بەتایبەت کە لیڤەرپوول لەم دواکارەییەدا گرنگیدانی ڕوونی بۆ هێنانی دەربڕیوە.
"پاری سان جێرمان داوای ٧٠ تا ٨٠ ملیۆن یۆرۆ دەکات، لە کاتێکدا لیڤەرپوول ئامادە نییە لە ٦٠ ملیۆن یۆرۆ زیاتر تێپەڕێنێت..."
یانەی لیڤەرپوول پێشتر لەگەڵ ئیبراهیم مبای گەیشتووەتە ڕێککەوتن دەربارەی گرێبەستێک بۆ ماوەی پێنج ساڵ، بۆ ئەوەی دواتر یانە ئینگلیزییەکە گفتوگۆکانی لەگەڵ پاری سان جێرمان دەست پێبکات بۆ یەکلاکردنەوەی مامەڵەکە.
تۆڕی "ڕادیۆ مۆنت کارلۆ سپۆرت" ئاماژەی بەوە کردووە کە پاری سان جێرمان بڕی ٧٠ تا ٨٠ ملیۆن یۆرۆی دیاری کردووە بۆ ڕەزامەندیدان لەسەر فروشتی ئیبراهیم مبای، ئەم بڕە پارەیەش بووەتە ئاستەنگ لە بەرامبەر هەنگاوەکانی لیڤەرپوولدا. ئیدارەی لیڤەرپوول دیار نییە ئامادە بێت ئەو بڕە پارەیە بدات، چونکە نرخەکەی بە نزیکەی ٥٠ ملیۆن یۆرۆ دەخەمڵێنێت و نایەوێت سنوری ٦٠ ملیۆن یۆرۆ تێپەڕێنێت.
گفتوگۆکانی نێوان هەردوو یانەکە بەردەوامە لەگەڵ نزیکبوونەوەی کاتی داخرانی بازاڕی گواستنەوەی هاوینە لە یەکی سێپتێمبەری داهاتوو، بەتایبەت کە گرێبەستی مبای لەگەڵ پاری سان جێرمان هێشتا بۆ دوو ساڵی دیکە بەردەوامە. لە هەمان کاتدا، لیڤەرپوول بەردەوامە لە گەڕان بەدوای بژارەی دیکەدا بۆ بەهێزکردنی هێڵی پێشەوەی، دوای ئەوەی هەوڵیدا گرێبەست لەگەڵ یانکوبا مینتێ یاریزانی برایتۆن بکات، بەڵام دوو ئۆفەری بە بڕی ٧٠ ملیۆن یۆرۆ ڕەتکرایەوە.