٧ ناوی دیار.. گواردیۆلا شوێنپەنجەیەکی مەزن لە جیهانی ڕاهێنەرایەتیدا بەجێدەهێڵێت
شوێنپەنجەی ڕاهێنەری ئیسپانی پێپ گواردیۆلا تەنها لە ناونیشان و دەستکەوتەکاندا کە لە مێژووی ڕاهێنەرایەتیی خۆیدا بەدەستیهێناون سنوردار نابێت، بەڵکو کاریگەرییەکەی درێژبووەوە بۆ نەوەیەکی تەواو لە ڕاهێنەران کە ئێستا سەرکردایەتیی یانە گەورەکانی تۆپی پێی ئەوروپا دەکەن.
گواردیۆلا بە یەکێک لە دیارترین ئەو ڕاهێنەرانە هەژمار دەکرێت کە شوێنپەنجەیەکی روونیان لە شێوازەکانی ڕاهێنەری مۆدێرندا بەجێهێشتووە، دوای ئەوەی ژمارەیەک ناوی دیار کاریگەرییان پێوە دیار بوو، چ لەو یاریزانانەی لە ژێر سەرکردایەتییدا کاریان کردووە، یان یاریدەدەکان کە لە دەستە تەکنیکییەکانیدا هاوڕێیان بوون، یان ئەو ڕاهێنەرانەی کە بیرۆکە و فەلسەفە وەرزشییەکەیان ئیلهام وەرگرتووە.
"لیستی ناوی دیارە پەیوەندیدارەکان بە قوتابخانەی ڕاهێنەرایەتیی گواردیۆلاوە بریتیین لە: میکێل ئارتێتا، شابی ئەلۆنسۆ، چاوی هێرناندێز، لویییس ئێنریکێ، ڤینسنت کۆمپانی، ئەنزۆ مارێسکا و ئێریک تین هاگ..."
لیستی ناوی دیارە پەیوەندیدارەکان بە قوتابخانەی ڕاهێنەرایەتیی گواردیۆلاوە هەریەکە لە میکێل ئارتێتا، شابی ئەلۆنسۆ، چاوی هێرناندێز، لویییس ئێنریکێ، ڤینسنت کۆمپانی، ئەنزۆ مارێسکا و ئێریک تین هاگ لەخۆدەگرێت، کە هەریەکێکیان بە ئەزموونێکی ڕاستەوخۆ یان کاریگەرییەکی ڕاستەوخۆی ڕاهێنەرە ئیسپانییەکە لە ماوەی کاروانیاندا بەستراونەتەوە.
ڕەهەندەکانی ئەم کاریگەرییە لە سەرجەم یاریگاکانی ئەوروپادا دەرکەوتن، پاش ئەوەی ژمارەیەک لە بیرۆکەکانی گواردیۆلا گواسترانەوە بۆ کورسیی یەدەگ، لە ڕێگەی ئەو ڕاهێنەرانەی کە پێشتر لەگەڵی کارکردوون یان کاریگەریی شێوازەکەیان لەسەر بووە کە پشت بە کۆنتڕۆڵکردن، کۆنترۆڵکردنی خێرایی یارییەکە، و بنیادنانی ڕێکخراوی هێرشەکان دەبەستێت.
